राजधेर

 24 डिसेंबर सकाळी 8.30 
ला चहा नाष्टा करून रेनुका मातेचे दर्शन 

घेवून आम्ही राजधेर कडे निघालो.

अर्धा तासाच्या प्रवासानंतर आम्ही 

सर्वजन राजधेरवाडी गावात 

पोहचलो. राजधेरवाडी ग्रामपंचायत 

कार्यालयाच्या समोरूनच राजधेर 

गडावर जाण्यासाठी रस्ता आहे.

   राजधेरवाडीत पुन्हा एकदा किल्यासंबधी गडवाटच्या सदस्यांनी सुचना दिल्या व सुचना नंतर काऊंट घेण्यात आले व मग आमचा राजधेर  चढाईस सुरवात झाली. सुरवातीचाच रस्ता हा उभा चढ व घसा-याचा त्यामानाने सोपा पन दम काढणारा रस्ता आहे.

पहिला टप्पा पार केल्यानंतर आपण एका तलावाजवळ येवून पोहचतो. तलावाच्या उजव्या बाजूने आपण गडाच्या दिशेने मार्गक्रमन केल्यास अर्धातासात आपण गडाच्या सोंडेजवळ येवून पोहचतो.

 येथून डोंगराच्या डाव्या बाजूने चालत आल्यास आपण डोगरांत कोरलेल्या गुहांजवळ येवून पोहचतो या गुहांमध्ये गावातील लोंकांची गुरे राहतात. त्यामुळे या गुहा माणसांना राहण्यायोग्य नाहीत.

 येथुनच थोडे पुढे गेल्यास आपण एका लोंखंडी शीडीजवळ येवून पोहचतो. येथे पुर्वी गडावर जाण्यासाठी प्रवेशव्दार व कातळात कोरलेल्या पाय-या होत्या मात्र आज त्याचे काहीही अवशेष शिल्लक नाहीत. प्रवेशव्दाराची एक कमानीचा थेडासा भाग कातळाला लागून आपल्या अस्तीत्वाची शेवटची घटका मोजतोय हाच काय या प्रवेशव्दाराचा पुरावा शिल्लक आहे. याच ठिकाणी एक अस्पष्ट असा शिलालेख कोरलेला आहे.                           

             

                   येथेलावलेली लोंखंडी शिडी म्हणजे. एक दिव्यच समजायले हवे. आणि ज्याने ही सिडी लावली त्याचे आभार देखील मानावे कारण जर ही सीडी येथे नसेल तर सर्वसामान्य ट्रेकर्सना या गडावर जाताच येणार नाही. कारण वर जाण्यासाठी प्रस्तारोहणाचे तंत्र वापरावे लागेल. सीडी ब-याच ठिकाणी तुटलेली आहे ती तुटलेल्या ठिकाणी दोरीने बांध्ण्यात आली आहे. त्यामुळे वर चढतांना सावकाश व एका-एकानेच वर चढून जावे. घाई करूनये अन्यथा सिडी तुटून मोठा अपघात होऊ शकतो.

      सीडी चढून आपण गडावरील पहिल्या उधवस्त प्रवेश्दारातून गडावर प्रवेश करतो. खरे तर हे गडाचे दुसरे प्रवेशव्दार आहे मात्र पहिले प्रवेश्व्दार आज अस्तीत्वातच नसल्यामुळे हेच पहिले प्रवेशव्दार होय. या प्रवेश्व्दारचे देखील एकाच बाजुचे खांब आज अस्तीत्वात आहेत. येथून गडावर जाण्यास कातळात खोदलेल्या पाय-या आहेत. 

                                                                      

एका बाजूला खोल दरी तर दुस-या बाजूला कातळ आहे. या कातळात दोन गुहा खेदलेल्या आहेत. 

        पाय-यांनी चढून वर आल्यास दोन वाटा लागतात एक वाट उजवीकडे तर दुसरी वाट डावीकडे जाते. प्रथम उजवीकडची वाट पकडून चालायला 

लागल्यास समोरच आपण एका वाडयाजवळ येवून पोहचतो. 

वाडयाचे   

 बांधकाम आजही 

चांगल्या स्थितीत आहे

 येथे या वाडयाखेरीज 

दुसरी कोणतीही वास्तु अस्तीत्वात नाही.

   वाडयाच्या समोरच गडाच्या टोकावर एक ध्वज उभा आहे.              

        

  येथुन समोरचा परिसर खुप सुंदर दिसतो. तसेच येथे उजव्या बाजूला एक बुरूज बांधलेला दिसतो. डोंगराची माती ढासळू नये यासाठी याचे प्रयोजन असावे.

येथुन परत मागे फिरून मागे आल्यास मुख्य रस्त्याच्या वरच्या बाजूला दोन गुहा आहेत यात एका गुहेत उतरण्यासाठी सिडी लावलेली आहे. त्यात एक बाबा राहतात.

   

     

 येथुन खाली उतरून आल्यास 

समोरच दगडी  बांधकाम आहे

 त्यात एक कबर असून त्या कबरीस पांढरा रंग दिलेला आहे. 

परत डाव्या वाटेने चालत गेल्यास 

समोरच एक छत असलेले टाके आहे

       येथुन पुढे गेल्यास पुन्हा कातळात कोरेलेले पाण्याचे मोठे टाके आहे. या  टाक्यातील पाणी पिण्यास येाग्य आहे.

येथुन पुढे 

गेल्यास 

आपण एका 

मोठया 
तलावापासीयेवून पोहचतो. तलावाच्या एका                             बाजूला  कातळात शिव मंदीर आहे.

 येथुन सरळ वर गेल्यास आपण गडाच्या माथ्यावर पोहचतो. पंरतू गडाच्या माथ्यावर न जाता डाव्या बाजूने सरळ चालत गेल्यास आपण गडाच्या दुस-या टोकावर पोहचतो. 



 येथून माथ्याकडे चढत गेल्यास एके ठिकाणी कातळात पाय-या खेदलेल्या पहावयास मिळतात.

 येथुन गड माथ्यावर आल्यास एक पडकी वास्तू पहावयास मिळते

 

या वास्तुच्या एका उजव्या बाजूला एक पाण्याचे टाके आहे तर डाव्या बाजूला  एक पाण्याचे टाके आहे. टाक्यांतील पाणी स्वच्छ आहे.

या टाक्यातील पाणी पिण्यायोग्य 

आहे.

  डाव्या बाजून खाली उतरल्यास आपणास दोन पाण्याची टाकी  पहावयास मिळतात  याटाक्यांचे वैशीष्टय म्हणजे ही दोन्ही टाकी इग्रंजी टी T आकाराची आहेत. बहुतेक टाक्यातील अधिकचे पाणी वाहून जाण्यासाठी अशी रचना केली गेली असावी.

 या टाक्याच्या वरील बाजूस एक अपुर्ण अवस्थेतील T आकाराचे पाण्याचे टाके आहे.

येथुन खाली उतरत गेल्यास
सहा सात  पाण्याच्या टाक्यांचा  समुह पाहवायास मिळतो. या पैकीं दोन टाक्यांमध्ये पाणी आहे  मात्र इतर पाच टाक्यांत  पाणी नाही तसेच ही टाकी जवळ जवळ दगड-मातीने भरत आलेली आहेत.

 हे सर्व अवशेष बघून झाल्यानंतर आपण परत मुख्या रस्त्यापर्यंत येतो येथे आपली संपूर्ण गडफेरी पुर्ण होते. गडमाथ्यावरून मांगीतुंगी, न्हावीगड, कोळथेर, इंद्राई, धोडप असा सर्व परिसर दिसतो.

                        -: समाप्त :-


राजधेर किल्लयावर मी ज्या वाटेने फिरलो त्याचा मॅप रूट ची लींक

https://www.ramblr.com/web/mymap/trip/397305/935554/